„Политико“ пренесува дека напаѓачот бил застрелан од полицаец во Пентагон и дека тој не влегол внатре во зградата. Друг полицаец е повреден, кој бил транспортиран во болница
Пентагон денеска беше блокиран откако беа испукани неколку истрели во негова близина. Звуците на истрели денеска се слушнале од метро-станицата, која се наоѓа во близина на Пентагон и е главен влез во овој објект.
Припадници на полицијата и другите безбедносни сили веќе се на местото на настанот, а е прогласена и вонредна состојба.
This is my initial video right after I heard the shots. Pentagon police responding to the transit center. Time was 10:39am ET. #pentagonshooting #pentagon @wtop @hhowardWTOP pic.twitter.com/MOpt7CvA56
— Dave Statter (@STATter911) August 3, 2021
„Само што потврдивме дека Пентагон е блокиран. Имаше инцидент во близина на транзитниот центар на Пентагон“,
изјави портпаролот на Агенцијата за заштита на Пентагон, Крис Лиман.
„Политико“ пренесува дека напаѓачот бил застрелан од полицаец во Пентагон и дека тој не влегол внатре во зградата. Друг полицаец е повреден, кој бил транспортиран во болница. Засега нема дополнителни осомничени и местото на настанот е безбедно. На персоналот му е укажано засега да остане во зградата, додава „Политико“.
„Пентагон во моментов е блокиран поради инцидент во транзитниот центар во Пентагон. Ја замолуваме јавноста да ја избегнува областа. Повеќе информации ќе објавиме подоцна“,
соопшти Агенцијата за заштита на Пентагон.
Метро-станицата и автобуската станица се наоѓаат веднаш пред зградата на Пентагон, а посетителите што доаѓаат од метро-станицата мора да поминат низ обезбедувањето за да влезат во зградата.