Дваесет и петгодишно момче од тетовско Долно Палиште синоќа почина како последица од удар од гром.
„Вчера (18 јули) во 19 часот и 25 минути во СВР Тетово било пријавено дека во месноста ‘Карабунар’, атар на тетовски Урвич, бил пронајден починат 25-годишниот Е.О. од тетовско Долно Палиште, кој бил усмртен од удар на гром. Смрт констатирал лекар по судска медицина, увид извршиле екипа од СВР Тетово и Јавен обвинител, по чија наредба телото е предадено на семејството“,
се вели во полицискиот билтен.
Од удар на гром вчера беа повредени неколку лица на охридската плажа „Оревче“, но за среќа беше избегната поголема тратегија.