Мажот, кој се искачувал со нив на планинскиот масив Монте Роса, синоќа бил пренесен во швајцарска болница, со хипотермија и смрзнатини
Две жени замрзнаа на Алпите на над 4 500 метри надморска височина, во близина на границата меѓу Италија и Швајцарија, соопштија денеска спасувачите од регионот Аоста, во северозападна Италија.
Мажот, кој бил со нив на Алпите, синоќа бил пренесен во швајцарска болница, со хипотермија и смрзнатини.
Тројцата се качувале на планинскиот масив Монте Роса на Пенинските Алпи, чиј највисок врв е Дуфурспице, на повеќе од 4.630 метри надморска височина.
Спасувачките служби наведуваат дека жените се воделе како исчезнати лица. Пронајдени биле на италијанската страна на Винсентската пирамида, малку понискиот врв, и однесени во една колиба. Но, екстремните временски услови и силниот ветер ја отежнувал операцијата за нивно спасување. Хеликоптерот можел да слета само кога ќе падне ноќта.
Спасувачките екипи безуспешно се обиделе да ги реанимираат двете жени.