Северна Македонија да ги почитува правата на своите граѓани кои се самоидентификуваат како Бугари, да ги напушти идеологиите на тоталитарното минато, како во учебниците по историја така и во натписите во музеите и историските споменици, изјави бугарскиот претседател
Нашите сонародници во С Македонија очекуваат многу поактивна културна, духовна и образовна размена со Бугарија, вели бугарскиот претседател Румен Радев по средбата со претставници на здружението „Иван Михајлов“ од Битола.
„Во Република Северна Македонија расте интересот и за нашата заедничка историја и за објавување и дистрибуција на оригиналите на делата на браќата Миладинови, Димитар Талев и други фигури на бугарската преродба. Пред сè, Бугарија од својот југозападен сосед очекува одржливи и неповратни резултати во градењето добрососедски односи во име на нашата заедничка европска иднина. Овој процес бара не само заедничко работење за унапредување на економските, транспортните и духовните врски, туку и Република Северна Македонија да ги почитува правата на своите граѓани кои се самоидентификуваат како Бугари, да ги напушти идеологиите на тоталитарното минато, како во учебниците по историја така и во натписите во музеите и историските споменици“,
се вели во соопштението од кабинетот на Радев.
Се додава дека Радев е уверен оти може да се развиваат односите меѓу двете земји со отворен дијалог, со цел да се решат сите прашања во интерес на граѓаните на двете земји.