Во потрага по корените на пандемијата: Првите случаи на ковид-19 се појавиле во Кина во октомври 2019 година

Аналитичарите на податоци, предводени од Дејвид Робертс од британскиот Универзитет во Кент, го пресметаа евентуалниот период кога патогенот можел да премине од животни на луѓе, врз основа на информациите за првите потврдени случаи во Кина и во странство

Првите случаи на ковид-19 веројатно се појавиле во Кина меѓу почетокот на октомври и средината на ноември 2019 година, тврдат британски научници во новите проекции кои сугерираат дека коронавирусот се проширил низ целиот свет многу побрзо отколку што се сметаше порано.

Првиот случај на зараза веројатно е откриен на 17 ноември, напишаа истражувачите во анализата објавена во научното списание „ПЛОС патогени“.

Официјално, првиот случај на ковид-19 беше регистриран на почетокот на декември 2019 година во кинескиот град Вухан, но научниците долго време веруваа дека коронавирусот се проширил и претходно.

Истиот став го делат и научниците од Светската здравствена организација (СЗО), кои го испитуваа потеклото на вирусот на почетокот на годината.

СЗО за коронавирусот: Извор е пазарот во Вухан, но и натаму е непознато како е пренесен на човекот

Аналитичарите на податоци, предводени од Дејвид Робертс од британскиот Универзитет во Кент, го пресметаа евентуалниот период кога патогенот можел да премине од животни на луѓе, врз основа на информациите за првите потврдени случаи во Кина и во странство.

Британски научници се потпреа на математички модел од областа за заштита на природата, кој инаку се користи за предвидувања за изумирање на видовите.

Овој модел сугерира дека коронавирусот се проширил низ целиот свет уште во јануари 2020 година. Калкулациите покажуваат дека првата инфекција надвор од Кина била на 3 јануари во Јапонија.

Во Европа, според нив, првиот случај на зараза бил откриен во Шпанија околу 12 јануари, а во САД околу 16 јануари 2020 година. 

Француски научници во мај лани соопштија дека тестовите на примероци покажале дека пациент, кој бил лекуван од пневмонија во близина на Париз на 27 декември 2019, всушност, имал коронавирус.

Коронавирус имало во Италија во декември лани, открива студија за отпадни води

Најмалку седум лица во пет американски држави биле заразени со коронавирусот неколку недели пред тие да ги пријават своите први случаи, покажа големата нова владина студија, која укажува на присуство на вирусот во земјата уште во декември 2019 година.

Студија: Во САД коронавирус имало уште во декември 2019 година