Општината ќе се потруди со сите законски можности, колку што може повеќе, да ја спроведува својата политика што ја има наметната и во изминатите донесени планови, вели градоначалникот
Градоначалникот на општина Центар, Саша Богдановиќ, попладнево изјави дека со добиеното мислење од Министерството за транспорт и врски излегува дека тврдењата на општината се неоправдани, но оти како општина ќе се потрудат со сите законски можности што им се на располагање, да ја спроведат политиката што ја наметаа и за другите донесени планови.
„Согласно овие мислења, на некој начин, излегува дека нашите тврдења не се оправдани. Нашето мислење го искажавме со елаборати, но во законот пишува дека треба да добиете мислење од Министерството за транспорт и врски. Нормално, за ова одлучува донесувачот на планот, а тоа е Советот на општина Центар. Општината ќе се потруди со сите законски можности, колку што може повеќе, да ја спроведува својата политика што ја има наметната и во изминатите донесени планови“,
рече Богдановиќ во гостување на Сител.
Нагласи дека останува на ставот дека одлуката на Советот на општината била најисправна, но оти овој пат, како што рече, за жал, зависат од други институции.