Од МВР велат дека во врска со случајот, од местото биле подигнати чаури од пиштол и две патнички возила
Престрелка по претходна расправија поради долг се случила околу 2 часот во село Арачиново, при што се ранети и приведени повеќе лица, информираа денеска од Министерството за внатрешни работи.
Во соопштението од МВР се наведува дека денеска во СВР Скопје се приведени М.А (31), М.С.(35), од селото Страчинци и Н.Џ.(27) од селото Арачиново. Полицијата постапила по пријава според која, по претходна расправија, М.А.(31) испукал од огнено оружје и го повредил Б.А.(36), поради долг што тој го имал кон него.
По престрелката, како што информираат од МВР, во комплексот клиники „Мајка Тереза“ со повреди од огнено оружје се пријавил М.А., додека во Градската општа болница „Св.Наум Охридски“ со повреди од огнено оружје бил донесен Б.А.. Во истата болница, со повреди од огнено оружје, бил донесен и Ф.Н., кој пред полициските службеници изјавил дека се повредил во сообраќајна незгода, по што заминал без да му биде утврден карактерот на повредите.
Од МВР велат дека во врска со случајот, од местото биле подигнати чаури од пиштол и две патнички возила. Се преземаат мерки за комплетно расчистување на случајот, по што ќе бидат поднесени соодветни поднесоци