Пороен дожд и силно невреме денеска го зафати Куманово и околината. Жителите од неколку кумановски населби до службите за управување со кризи пријавиле дека се поплавени неколку улици и дека шахтите не можат да ја примат надојдената вода.
„Дел од граѓаните пријавија дека им се поплавени подрумските простории. Речните корита имаат можност да апсорбираат поголема количина на вода“,
изјави Горан Стојановски од Регионалниот центар за управување со кризи.
На терен се екипите на „Водовод“, кои ги санираат штетите, настани од големата количина на дожд. Дополнително и полицијата затворила неколку главни улици со цел сопирање на сообраќајот за полесно санирање на штетит
Жители на руралните места Табановце, Четирце, Речица, Режановце, Романовце, Умин Дол, Ново Село, дел од селата од Старо Нагоричане, пак, пријавиле дека имаат штети од град. Интензитетот на врнежите се намали во последниов час.