Рускиот премиер денеска изјави дека вакцината е регистрирана во над 70 држави во светот и е една од најбараните
Руската вакцина „спутник В“ е регистрирана во скоро 70 земји, што ја прави една од најбараните во светот во борбата против ковид-19, изјави рускиот премиер Михаил Мишустин.
„Досега ‘спутник В’ е регистриран од скоро 70 земји во светот, бидејќи руската вакцина ја докажа својата безбедност и ефикасност“, рече Мишустин на електронскиот едукативен маратон „Ново знаење“, пренесуваат тамошните медиуми.
Тој изјави дека сега може официјално да се каже дека „спутник В“ е една од најдобрите, една од најбараните вакцини во светот.
Мишустин додаде дека руските граѓани можат вакцината да ја добиваат бесплатно и ги повика сите Руси да се вакцинираат.
Рускиот премиер го пофали заменик-шефот на центарот „Гамалеја“ кој ја произведува вакцината, Денис Логунов, кој „заедно со неговиот тим развија и тестираа нова вакцина врз себе и отворено зборуваа за тоа како е создадена“.
„Благодарение на тоа, многу луѓе го сменија мислењето за руската вакцина. Лично, познавам луѓе кои порано беа многу скептични во врска со овој проект“,
рече тој.
Мишустин истакна дека на самиот почеток на пандемијата никој не бил подготвен дури и да признае дека руските научници се способни за ваков чекор напред.
„Ефикасните вакцини се наша победа, постигната со знаење, професионализам и решителност на руските научници, лекари и други специјалисти“,
додаде тој.
Русија беше првата земја во светот што ја регистрираше вакцина против коровирусотна 11 август 2020 година.
Вакцината е создадена од центарот „Гамалеја“ со поддршка на Рускиот фонд за директни инвестиции.