Од ЦУК велат дека пожарот над с. Галичник поради засилениот ветар претставува потенцијална опасност за селото, но истовремено е опасност и за силите ангажирани за гаснење. Пожарот е на непристапен терен и гори борова шума
Армијата, со еден хеликотер со ведро ќе се вклучи во гаснењето на пожарот на Галичник, објави Центарот за управување со кризи (ЦУК).
Од ЦУК велат дека информацијата за пожарот над с. Галичник ја добиле околу 13:30 часот, по што се координирал со регионалните центри и локалната самоуправа, но поради непристапноста на теренот ја известиле и Армијата.
ЦУК истовремено координираше и да се обезбедат и координати и лице на терен за комуникација со хеликоптерскиот армиски екипаж. Известена е и Дирекцијата за заштита и спасување (ДЗС), Локалните едининици за противпожарна заштита (ТППЕ), Министерството за внатрешни работи (МВР), а и другите субјекти од Системот за управување со кризи (СУК), согласно процедурите за работа на дежурните регионални центри за управување со кризи.
Од ЦУК велат дека пожарот над с. Галичник поради засилениот ветар претставува потенцијална опасност за селото, но истовремено е опасност и за силите ангажирани за гаснење. Пожарот е на непристапен терен и гори борова шума.