Со регистрирани 314 835 случаи на инфицирани со коронавирус во последните 24 часа, Индија го забележа најцрниот рекорд од почетокот на пандемијата. Според податоци од индиското Министерство за здравство, забележан е и рекорден број на смртни случаи во еден ден – 2 104, со што вкупниот број на починати сега изнесува 184 657.
Според дневните извештаи, ситуацијата значително се влошува во оваа земја поради недостигот на кислород за пациентите во болниците, но и масовните собири што се одржуваат. Со над 15 милиони инфицирани граѓани, Индија е на второ место по САД кои имаат околу 31 милион заразени од почетокот на пандемијата.
Рекордот на заразени со коронавирус во еден ден досега го имаше САД со 307 000 инфицирани во почетокот на јануари.