Австралија претходно им дозволуваше на жителите на Нов Зеланд да влезат во земјата без карантин, но Нов Зеланд имаше повнимателен пристап и за патниците од Австралија беше задолжителен 14-дневен карантин
Нов Зеланд објави дека од 19 април ќе може да се патува во Австралија без карантин.
Укинувањето на ограничувањата за патниците кои отвораат таканаречен „балон за патници“ меѓу двете соседни земји е олеснување за семејствата што веќе подолго време се разделени како резултат на пандемијата, но и за туристичкиот сектор.
Двете земји се меѓу најуспешните држави кои го запреа ширењето на вирусот.
Премиерката на Нов Зеланд, Џасинда Арден, изјави дека здравствените власти веруваат дека ризикот од пренесување на вирусот од Австралија е мал и патувањето сега е безбедно.
„Балонот за патници ќе ја обнови нашата економија и ќе му претстави на светот начин за безбедно отворање на меѓународните аеродроми, истовремено продолжувајќи со спроведување на стратегијата за справување со вирусот“,
рече Арден.
Австралија претходно им дозволуваше на жителите на Нов Зеланд да влезат во земјата без карантин, но Нов Зеланд имаше повнимателен пристап и за патниците од Австралија беше задолжителен 14-дневен карантин.