Засега има околу 450 празни болнички кревети во ковид – центрите во земјава
Во изминатите 24 часа во ковид центрите во болниците низ внатрешноста на земјава се лекуваат вкупно 527 пациенти позитивни и суспектни на коронвирусот, информираат од Министерството за здравство.
Во болницата во Битола се хоспитализирани 28 пациенти позитивни и суспектни на ковид-19, додека во болницата во Штип се хоспитализирани 55 пациенти.
На инфективното одделение во Тетово има 19 пациенти, во Велес се лекуваат 27 болни, а во Куманово 81 пациент позитивен и суспектен на ковид-19. Во ковид- центарот во Охрид се хоспитализирани 65 пациенти, во Прилеп 66, во ковид-центарот во Гостивар 26, а во Струга 32 болни.
Во болницата во Струмица хоспитализирани се 50 пациент, во Кочани 17 во Кичево 13, Кавадарци 28, во Гевгелија 11 лица, а во Дебар 9 позитивни и суспектни на коронвирусот.
Бројките се менуваат од час во час, според направените приеми и исписи на пациенти, велат од Министерството за здравство.
Вкупната бројка на пациенти позитивни и суспектни на коронавирусот кои се лекуваат на инфективните оддели во главниот град и во болниците низ земјава е 873 и има околу 450 празни болнички кревети во ковид – центрите.
Од Министерсвото за здравство посочуват дека во тек на денот се прават и исписи на оздравени пациенти со што ќе се ослободат дополнителни легла.