Европска Унија и Велика Британија постигнаа трговски договор, по неколкумесечни несогласувања околу правата за риболов и идните бизнис правила.
Договорот е постигнат денеска една недела пред истекот на транзицискиот период на Брегзит.
„Ја вративме контролата врз нашите закони и нашата судбина“,
порача на прес-конференција, британскиот премиер Борис Џонсон.
The deal is done. pic.twitter.com/zzhvxOSeWz
— Boris Johnson (@BorisJohnson) December 24, 2020
Британскиот главен преговарач за Брегзит, Дејвид Фрост изјави дека Велика Британија повторно ќе биде целосно независна земја од 1 јануари.
„Нашата земја повторно започнува нов патување како целосно независна држава од 1 јануари. Нашата иднина и нашиот просперитет се во наши раце. Уверен сум дека ќе напредуваме и ќе успееме“,
напиша Фрост на Твитер.
Претседателката на Европска комисија Урсула фон дер Лајен на прес-конференција во Брисел истакна дека Договорот е за праведно учество на единствениот пазар каде се почитуваат правата и стандардите на ЕУ.
Таа додаде дека ќе продолжи соработката со Велика Британија, како „трета земја“ во сите области од заеднички интерес, како што се климатските промени, безбедноста и транспортот.
The UK remains a trusted partner. We will stand shoulder to shoulder to deliver on our common global goals.
— Ursula von der Leyen (@vonderleyen) December 24, 2020
But now let's turn the page and look to the future.
To all Europeans I say: it is time to leave Brexit behind.
Our future is made in Europe. pic.twitter.com/QefWjB5KdH
„Велика Британија останува наш партнер. Ќе стоиме рамо до рамо за да ги оствариме нашите заеднички глобални цели. Но, сега да ја свртиме страницата и да гледаме во иднината. Време е да го оставиме Брегзит зад нас“,
истакна Лајен.
Постигнатиот договор ЕК треба да го потврди на состанок на еврокомесарите, како и парламентите на ЕУ и на Велика Британија.
Во европскиот буџет се предвидени пет милијарди евра помош за европските компании и сите кои ќе бидат погодени од конечното раздвојување на Велика Британија на 31 декември 2020 година.
Европскиот преговарач за Брегзит, Мишел Барние изјави дека постигнувањето на трговски договор со Велика Британија е олеснување, бидејќи е постигнат само една недела пред крајниот рок.
???? The clock is no longer ticking.
— Michel Barnier (@MichelBarnier) December 24, 2020
After 4.5 years of collective effort and #EU unity:
To preserve peace on the island of Ireland. To protect citizens and the Single Market. To build a new partnership with the UK.
Thank you all ?
„Часовникот повеќе не отчукува“,
посочи Барние.
Тој додаде дека краткиот рок за преговори за договорот е „без преседан во однос на неговиот обем и сложеност“, и оти ЕУ покажала единство и солидарност, што е нејзина сила.
Претседателот на Европскиот Совет, Шарл Мишел изјави дека постигнувањето договор за воспоставување на блиски односи помеѓу Европската Унија и Велика Британија е „голем чекор напред“ .
„За нашите граѓани и компании сеопфатниот договор со нашиот сосед, пријател и сојузник е најдобар исход“,
посочи Мишел.
Трговскиот договор ги регулира економските односи помеѓу Велика Британија и Европската унија од јануари 2021-ва.