Шест лица се осомничени за кражбата на близу два тона марихуана од складиште на фирма во селото Јосифово, информираше полицискиот портпарол Тони Ангеловски на попладневната прес-конференција.
Ангеловски не кажа колкава количина е откриена и запленета во скопско Арачиново и другите локации, каде полицијата врши претреси од синоќа. Истрагата вели ќе се проширува, а дел од осомничените се приведени.
„МВР во координација со ЈО во текот на вчерашниот и денешниот ден презема низа мерки и активности со цел расчистување на кривично дело- разбојништво, извршено меѓу 3-4 декември во склад на фирма во Јосифово при што се одземени два тони марихуана. Веднаш по добивањето на пријавата преземени се соодветни мерки и активности и по добиени оперативни сознанија извршени се претреси во Арачиново, Горно Мојанци и други локации при што е пронајдена дел од дрогата и други предмети поврзани со кривичното дело, а приведени се и дел од осомничените. Досега имаме шест осомничени лица за кои имаме обезбедено докази, но истрагата се проширува и продолжува, се до целосно расчистување на овој случај“,
рече Ангеловски.