Според владината одлука, цените не смеат да бидат над 60 евра за ПЦР тест и над 20 евра за брз тест
Од денеска во Грција стапува во сила владината одлука за воведување граница до која може да биде цената за тестовите за ковид-19, со цел да се спречи профитерство.
Според одлуката, цените не смеат да бидат над 60 евра за ПЦР тест и над 20 евра за брз тест, јави МИА од Атина.
Иако пред десет дена беше најавено дека молекуларниот тест ќе биде 40, а брзиот 10 евра, сепак на овие цени се додаваат трошоците за медицинската услуга, односно за земањето брис и данокот на додадена вредност (ДДВ).
Според одлуката потпишана од министерот за развој и инвестиции на Грција, а објавена во Службен весник, за ПЦР – тестовите, највисоката цена е 40 евра, плус најмногу 20 евра за земање примерок за анализа, а за брзите тестови, цената не смее да биде над 10 евра и уште 10 да здравствената услуга.
Казната за непочитување е 5 000 евра.