Генералниот секретар на Владата Мухамед Зеќири е именуван во Советот за реформа на јавната администрација, на местото на Драги Рашковски
Владата, на денешната седница, ја прифатила информацијата на Управниот одбор на Националната агенција за европски образовни програми и мобилност за именување на Марко Ѓоргиевски за в.д. директор до изборот на директор, а најдолго за шест месеци.
Согласно предлогот на владината комисија за кадровски прашања, Ѓоргиевски е отповикан од должноста независен и неизвршен член на Одборот на директори на Акционерското друштво за вршење на енергетски дејност и Национални енергетски ресурси „Скопје“, во државна сопственост.
Генералниот секретар на Владата Мухамед Зеќири, на седницата, е именуван во Советот за реформа на јавната администрација, на местото на Драги Рашковски.
Владата, како што се сооопштува, се информирала за оставката на Дарио Николовски од должноста директор на Државниот студентски дом „Скопје“ и заклучила да му препорача на Управниот одбор на оваа институција за вршител на должноста директор да го именува Виктор Велевски.
На негово барање, Дарко Данев, е разрешен од должноста член на Совет на Институтот за акредитација на Северна Македонија – Скопје, како претставник од универзитетите.
Владата на седницата го разреши Зоран Стојановски, исто на негово барање, од должноста директор на Воспитно поправен дом – Тетово, а за вршител на должност директор е именуван Даниел Антовски.