Сепак, канабисот ќе остане во категоријата лекови кои се под малку построг режим на контрола, па вчерашното гласање не им дозволува на членките на ООН да ја легализираат марихуаната во рамките на меѓународниот систем за контрола на наркотици
Комисијата на ОН за наркотични дроги донесе одлука за отстранување на канабисот и смолата од канабис, која се користи за производство на хашиш, од категоријата најопасни наркотици.
Одлуката на Комисијата со седиште во Виена може да влијае на глобалната индустрија за производство на марихуана за медицински цели.
Сепак, канабисот ќе остане во категоријата лекови кои се под малку построг режим на контрола, па вчерашното гласање не им дозволува на членките на ООН да ја легализираат марихуаната во рамките на меѓународниот систем за контрола на наркотици.
За отстранување на канабисот и смолата од канабис од четвртата категорија, според Единствената конвенција за наркотични дроги, гласаа 27 члена на комисијата, 25 беа против, а еден беше воздржан, соопшти агенцијата на ООН.
Според оваа Конвенција од 1961 година, меѓународниот договор за забрана на производство и набавка на одредени лекови, канабис и смола од канабис, досега беше во категоријата четири, заедно со хероинот и други опоиди.
Одлуката за исклучување на канабисот и смолата од канабис од четвртата категорија Комисијата ја донесе по препорака на Светската здравствена организација.
Канада и Уругвај се единствените две земји што легализираа продажба и употреба на канабис за рекреативни цели, додека многу земји низ светот го декриминализираа поседувањето марихуана.
Експертите велат дека отстранувањето на канабисот од категоријата најопасни наркотици може да доведе до слабеење на меѓународните контроли врз марихуаната за медицински цели.