Лидерот на ВМРО-ДПМНЕ, Христијан Мицкоски, во вечерашното гостување во емисијата „Клик плус“ на ТВ21 најави дека неговата партија ќе поднесе предлог за гласање на доверба на владата на премиерот Зоран Заев од чие формирање наскоро истекуваат 100 дена.
„Ценам дека по сите овие порази кои се случуваат на македонската политичка сцена, а кои се резултат на незнаењето, неработењето или ограничените капацитети на одговорните, треба да кулминираат со една постапка во Собрание каде ВМРО-ДПМНЕ заедно со другите опозициски партии ќе побара дебата за работата на Владата после овие 100 дена“,
рече Мицкоски.
Барањето за испитување на доверба на владата, рече тој, ќе го поднесат наредната недела.
„Да видиме којшто ќе каже, бидејќи силите во парламентот се пола-пола“,
кажа Мицкоски.