Веднаш по историскиот пласман на македонската фудбалска репрезентација на Европското првенство 2021 година, министерот за здравство Венко Филипче излезе со честитки, но и со апел да се слави со почитување на мерките за заштита од коронавирусот.
„Браво момци Македонци! Секоја чест, испишувате историја! Голем ден за заслужено славје, сепак ве замолувам тоа да биде со почитување на мерките за заштита. Возбудата е огромна, но верувам дека ова е само почеток на прославите на успесите на македонската репрезентација“,
апелираше Филипче.
Победата над Грузија во финалето од Лигата на нации и испишувањето на фудбалска историја, веднаш предизвикаа еуфорија меѓу граѓаните од кои голем дел со автомобили излегоа низ скопските улици да го одбележат спортскиот успех.