Стево Крстевски и Билјана Јовановска се именувани за в.д. директори во Фондот за здравствено, односно во Фондот за пензиско осигурување
Стојанче Ангелов, досегашниот национален координатор за воени и полициски ветерани е именуван за в.д. директор на Центарот за управување со кризи, откако од директорката финкција Владата го разреши Агрон Буџаку, на негово барање.
На денешната владина седница именуван е и нов в.д. директор на Фонд за здравствено осигурување, Стево Крстевски, и Билјана Јовановска за в.д. директор на Фондот за пензиско осигурување.
Меѓу останатите разрешувања и именувања кои биле на дневен ред на Владата е и за функцијата директор на Државниот инспекторат за локална самоуправа, каде за в.д. директор е именуван Сенат Ахмеди.
Елизабета Наумовска е именувана за в.д. директор на Државниот испитен центар, додека Беким Максути за в.д. директор на Дирекцијата за заштита и спасување.
Владата на вечерашната седница донесе заклочок и да му препорача на Собранието на акционери на Македонски телеком, да ги отповика од должноста досегашните членови на Одборот на директори: Сашо Велевски, Замир Мехмети, Дивна Ефтимовска, Мирослав Вујиќ и Сашо Симјановски и на нивно место да ги избере: Шкодране Зенуни Дарлишта, Бардул Насуфи, Нина Ангеловска, Садула Дураку и
Аќиф Мехдиу за неизвршни членови и Зоран Китанов за извршен член.