Пендаровски и Белен во телефонски разговор го осудија терористичкиот акт во Виена

Македонскиот претседател изразил подготвеност за сеопфатна соработка за превенција и пресретнување на радикализмот и тероризмот, мотивирани од верскиот фундаментализам

Претседателот Стево Пендаровски денеска во телефонски разговор со неговиот австриски колега Александeр Ван дер Белен остро го осуди синоќешниот терористички напад во центарот на Виена и изрази жалење за загубените животи во овој насилнички акт, информираат од кабинетот на шефот на државата.

Пендаровски упатил длабоко сочувство до граѓаните на Австрија, како и до семејствата на жртвите и повредените.

„Кукавички чин на насилство и омраза“: Реакции по терористичкиот напад во Виена

Претседателот на државата изразил подготвеност за сеопфатна соработка во насока на превенција и пресретнување на радикализмот и тероризмот, мотивирани од верскиот фундаментализам.

„Двајцата претседатели оценија дека синоќешниот терористички акт во Виена е напад врз заедничките вредности во кои веруваме и врз нашиот начин на живот“,

информираа од кабинетот на Пендаровски

На списокот на австриската полиција за терористичкиот напад има три лица со наше државјанство