Актуелниот претседател на Ракометната федерација на Македонија, Живко Мукаетов, ќе биде биде реизбран со нов мандат од четири години. Само формалност ќе биде Изборното собрание на 31 јануари, откако Мукаетов добил писмена поддршка од сите 54 ракометни клубови.
Со оглед на правилата дека еден клуб не може да застане зад двајца кандидати, актуелниот претседател ќе биде единствен кандидат.
Живко Мукаетов е на чело на Ракометната федерација на Македонија од март 2013 година. Со очекуваниот избор на крајот на месецов, тој ќе добие мандат до 2025 година.