fbpx
Македонија

Земјотрес со јачина од 2,4 степени почувствуван во Штип

360степени | 14 јуни, 2024 21:46

Епицентарот на земјотресот бил на 68 километри југоисточно од Скопје и на два километри североисточно од Штип

Земјотрес со интензитет од три степени според Европската макросеизмичка скала е почувствуван вечерва во 19:54 часот во штипското подрачје.

Земјотресот бил со јачина од 2,4 степени според Рихтеровата скала, а епицентарот бил на 68 километри југоисточно од Скопје и на два километри североисточно од Штип. Епицентарот на земјотресот припаѓа на епицентралното подрачје Штип–Радовиш.

Земјотресот бил на длабочина од пет километри.

Потресот, според податоците од Сеизмолошката опсерваторија при Природно-математичкиот факултет во Скопје, бил почувствуван од населението во градот Штип и во околината.

За земјотресот информира и Европскиот медитерански сеизмолошки центар, каде што се наведува дека потресот бил со јачина од 2 степени според Рихтеровата скала.

©2024 360 степени, Сите права се задржани