Им наредив на безбедносните служби на Украина да ги истражат околностите за тоа што се случи во соработка со полицијата и другите надлежни органи. Сите служби се на местото на трагедијата и ја вршат својата работа, посочи украинскиот претседател
Украинскиот претседател Володимир Зеленски ја опиша како „страшна трагедија“ и „мрачно утро“ хеликоптерската несреќа што се случи утринава во Бровари, во која загина целото раководство на украинското Министерство за внатрешни работи, предводено од министерот Денис Монастирски.
„Денеска се случи страшна трагедија во Бровари, Киевската Област. Се урна хеликоптер за државна итна помош, а на местото на несреќата избувна пожар. Се уште се утврдува точниот број на жртвите од оваа трагедија. Меѓу жртвите се министерот за внатрешни работи Денис Монастирски, неговиот прв заменик Јевгенјенин, државниот секретар Јури Лубковчи, нивните помошници и екипажот на хеликоптерот. Повредени се 25 лица, меѓу кои и три деца. Според достапните податоци, три деца починале. Болката е неопислива. Хеликоптерот падна недалеку од градинката“,
објави Зеленски на Телеграм.
Им наредив на безбедносните служби на Украина да ги истражат околностите за тоа што се случи во соработка со полицијата и другите надлежни органи. Сите служби се на местото на трагедијата и си ја вршат својата работа, додаде украинскиот претседател.
„Изразувам сочувство до семејствата и пријателите на жртвите. Денис, Евхен, Јури, тимот на Министерството за внатрешни работи… вистински украински патриоти. Почивајте во мир. Нека сите оние чии животи згаснаа во ова мрачно утро почиваат во мир“,
објави Зеленски.
Утринава хеликоптер се урна покрај градинка во украинскиот град Бровари, во близина на Киев.
Гувернерот на Киевска Област, Олексиј Кулеба, првично извести дека на местото на несреќата има жртви, а децата во моментот на падот на хеликоптерот биле во градинката.
Меѓу загинатите се и украинскиот министер за внатрешни работи Денис Монастирски, неговиот заменик и други претставници на министерството.