Зеленски во честитката посочува дека очекува силна поддршка за Украина од САД
Украинскиот претседател Володимир Зеленски преку социјалната мрежа Икс му упати честитка на Доналд Трамп за „импресивната изборна победа“.
„Честитки за импресивната изборна победа на Доналд Трамп! Се сеќавам на нашата одлична средба во септември, кога детално разговаравме за Украина и САД. Ја ценам посветеноста на претседателот Трамп за пристапот ‘мир преку сила’ за глобалните работи. Токму тоа е принципот што практично може да го приближи праведниот мир во Украина. Се надевам дека заедно ќе го спроведеме на дело. Со нетрпение ја очекуваме ерата на силни Соединети Американски Држави под решително водство на претседателот Трамп“,
пишува Зеленски.
Зеленски во честитката посочува дека очекува силна поддршка за Украина од САД.
„Сметаме на континуирана силна двопартиска поддршка за Украина во САД. Ние сме заинтересирани за развој на заемно корисна политичка и економска соработка од која ќе имаат корист и двата наши народи. Украина, како една од најсилните европски воени сили, е посветена на обезбедување долгорочен мир и безбедност во Европа и трансатлантската заедница со поддршка на нашите сојузници. Со нетрпение очекувам лично да му честитам на претседателот Трамп и да разговараме за начините за зајакнување на стратешкото партнерство на Украина со Соединетите Држави“,
напиша Зеленски на Икс.
Congratulations to @realDonaldTrump on his impressive election victory!
— Volodymyr Zelenskyy / Володимир Зеленський (@ZelenskyyUa) November 6, 2024
I recall our great meeting with President Trump back in September, when we discussed in detail the Ukraine-U.S. strategic partnership, the Victory Plan, and ways to put an end to Russian aggression against…