Заврши изборната кампања по 20 дена во кои партиите и коалициите ги претставија своите понуди пред граѓаните. Официјално е започнат изборниот молк за изборите закажни за в среда на 15 јули. Годинава за првпат гласањето ќе трае три дена поради актуелната ситуација со коронавирусот.
Од денеска заклучно со 21 часот на 15 јули, важат правилата за изборен молк за време на Предвремените парламентарни избори 2020 година.
Како што потсети вчера, Агенцијата за аудио и аудиовизуелни медиумски услуги (АВМУ) како потсетување за радиодифузерите за време на молкот, медиумите продолжуваат да известуваат за изборниот процес, но престануват сите облици на изборно медиумско претставување, на учесниците во изборната кампања.
Од АВМУ потсетуваат дека според Изборниот законик, за прекршување на изборниот молк се смета емитувањето какви било информации, фотографии, аудио и аудиовизуелни материјали поврзани со или во кои учествуваат учесници во изборите.
Какви било облици на медиумско известување кои се отворено или прикриено во функција на нечија кампања и можат да влијаат врз одлуката на избирачите, како и податоци со кои се открива идентитетот на политички субјекти и/или поединци вклучени во инциденти или неправилности на денот на гласањето, и изјави од кандидати во изборниот процес, од претставници на политички партии и од носители на функции во органите на власта.