До Управниот суд на Република Северна Македонија сè уште не е пристигната ниту една тужба од политичките партии, иако повеќето најавија дека ќе се жалат на одлуката на Државната изборна комисија (ДИК) да ги одбие нивните приговори.
„До Управниот суд сè уште нема пристигнато ниту една тужба од политичка партија. Откако ќе пристигне Управниот суд во рок од 60 часа ќе закаже јавна расправа“,
информираат за МИА денеска од Управниот суд.
Политичките партии имаат рок од 24 часа откако ќе го примат решението од ДИК со кое се одбиваат нивните приговори за изборни нерегуларности да реагираат до Управен.
Тужби најавија политичките партии ВМРО-ДПМНЕ, коалицијата Алијанса на Албанците и Алтернатива, Левица и Интегра.