Делегациите од двете земји претходно одржаа три рунди разговори, две во Белорусија и една во Украина. И покрај некои позитивни знаци за хуманитарните коридори, преговорите имаа мало влијание за намалување на кризата
Министрите за надворешни работи на Русија и Украина ги почнаа денеска во Анталија првите разговори на високо ниво меѓу двете земји откако Москва го нападна својот сосед, при што Анкара се надева дека би можела да направи пресвртница во конфликтот.
„Средбата започна“,
изјави портпаролката на руското Министерство за надворешни работи, Марија Захаров.
Посредник на средбата е турскиот министер за надворешни работи Мевлут Чуавушоглу.
Украинскиот министер за надворешни работи Дмитро Кулеба ги ублажи очекувањата за договор за прекин на огнот или други резултати од средбата со рускиот колега Сергеј Лавров.
Во руската инвазија бегалци се два милиони луѓе во она што Обединетите нации го нарекуваат најбрзата хуманитарна криза во Европа од Втората светска војна.
Членката на НАТО, Турција, во неколку наврати понуди да посредува меѓу страните и ќе биде домаќин на врвните дипломати од двете земји по неколкунеделните обиди за посредување на светските сили.
Кулеба го повика Лавров да пристапи кон разговорите „со добра волја, а не од пропагандистичка перспектива“.
„Искрено ќе кажам дека моите очекувања од разговорите се мали. Ние сме заинтересирани за прекин на огнот, ослободување на нашите територии и третата точка е да се решат сите хуманитарни прашања“,
изјави вчера Кулеба.
Москва рече дека е подготвена за разговори со Украина, но дека сите нејзини барања – вклучително и Киев да заземе неутрална позиција и да се откаже од аспирациите за приклучување во НАТО-алијансата – мора да бидат исполнети за да се стави крај на нејзиниот напад.
Делегациите од двете земји претходно одржаа три рунди разговори, две во Белорусија и една во Украина. И покрај некои позитивни знаци за хуманитарните коридори, преговорите имаа мало влијание за намалување на кризата.
Москва го нарекува својот упад „специјална воена операција“ за разоружување на Украина и разрешување на лидерите што ги нарекува „неонацисти“. Киев и неговите западни сојузници го отфрлаат тоа како неоснован изговор за неиспровоцирана војна против демократска земја од 44 милиони жители.