Очекувањата во Република Северна Македонија дека некој ќе нè притисне и ќе ја заборавиме имплементацијата на нашиот Договор и одлуката на нашиот парламент не се реални, вели Захариева
Никој не го оспорува правото на самоопределување и слободно изразување, а проблем за Бугарија не бил ниту јазикот, вели бугарската министерка за надворешни работи, Екатерина Захариева во интервју за бугарското радио „Дарик“.
„Јазикот никогаш не бил непремостлива пречка за пристапувањето на РС Македонија за нас. Тој е непремостлива пречка за нив. Господинот претседател (Стево Пендаровски) многу добро знае за што станува збор, и не треба да ги извртува работите“,
вели Захариева.
Захариева вели дека, „пропагандата во РС Македонија има за цел да го одвлече вниманието од фактот дека не се почитува Договорот за добососедство“.
Вели дека Бугарија останува на ставот дека местото на земјите од Западен Балкан е во ЕУ, но е загрижена поради како што вели, манипулациите од страна на македонските политичари дека Бугарија го оспорува правото на самоопреелување.
„Очекувањата во Република Северна Македонија дека некој ќе нè притисне и ќе ја заборавиме имплементацијата на нашиот Договор и одлуката на нашиот парламент не се реални. Им реков: Не сметајте на тоа, ние не работиме така во ЕУ. Напротив, Јас сум загрижен за срамната манипулација што ја започнаа политичарите во Скопје дека го оспоруваме нивното право на самоопределување. Напротив, во Република Северна Македонија, тие не го почитуваат правото на самоопределување на своите граѓани со бугарска самосвест“,
вели Захариева.
Захариева обвини дека македонските политичари се обидуваат да им пренесат политички ставови на историчарите.
Посочува дека позицијата на Бугарија не е лесна за разбирање, но оти ќе продолжат со напори да ја обајснат.
„За да се решат проблемите со РС Македонија, треба да се намалат емоциите. Со емоции и разговори преку медиумите тоа нема да се случи. Потребна е добронамерност, отвореност, ставање на проблемите на маса и да им се остави на историчарите да си ја вршат својата работа без политички притисок“,
вели шефицата на бугарската дипломатија.