Ракетните напади се најнови во серијата континуирани руски напади во последните недели врз регионот на вториот по големина град во североисточна Украина каде што руските сили започнаа офанзива
Русија погоди одморалиште во близина на Харков и ги нападна околните села, при што загинаа најмалку 11 луѓе, а повеќе се повредени, пренесува „Гардијан“.
Според информациите од спасувачите кои излегле на терен, првичниот удар бил проследен со втор околу 20 минути подоцна.
„Шест лица се загинати во одморалиштето, едно исчезнало, а 27 се ранети. Уште пет лица загинаа, а девет беа повредени подоцна во текот на денот во две села во областа Купијанск“,
изјавил Јарослав Трофимко, полициски инспектор.
Ракетните напади се најнови во серијата континуирани руски напади во последните недели врз регионот на вториот по големина град во североисточна Украина каде што руските сили започнаа офанзива.
Украинскиот претседател Володимир Зеленски повторно ги повика западните сојузници да испратат дополнителни системи за воздушна одбрана во Киев за да ги заштитат Харков и другите градови.
„Светот може да го запре рускиот терор, а за да се направи тоа мора да се надмине недостигот на политичка волја меѓу лидерите. Два ‘патриота’ за Харков можат да направат темелна разлика. Системите за противвоздушна одбрана за другите градови и дополнителната поддршка за војниците на фронтот ќе го осигураат поразот на Русија“,
напиша Зеленски на Телеграм.