Да не го даваме гласот за кој било што би можел да коалицира со Христијан Мицкоски, порача лидерот на СДСМ, Зоран Заев, преку социјалните мрежи споделувајќи заедничка фотографија претседателот на движењето Беса, Биљал Касами, со кого настапуваат заеднички во коалицијата „Можеме“.
„Заедно ќе ја осигураме иднината! СДСМ, БЕСА и коалицијата ‘Можеме’ се најсигурната опција за да продолжиме по исправниот пат. Да не ризикуваме, да не го даваме гласот за било кој што би можел да коалицира со Мицкоски. На 15 јули гласајте за сигурност, наместо за опасност. Гласајте за ‘Можеме’ и број 3! Гласај за најсигурната опција!“,
порачува Заев.
Тој и Касами денеска се во посета на Тетово, каде што одржаа и заедничка прес-конференција, ветувајќи дека ќе ги затворат преговорите со ЕУ за период од 6 години.
*Поврзани вести:
(ВИДЕО) Заев и Касами: Подготвени сме за 6 години да ги затвориме преговорите со ЕУ