Во видеопорака, генералниот секретар на Обединетите нации (ОН), Антонио Гутереш, предупреди дека во време на кризата со коронавирусот, кога растеа економските и социјални притисоци, дошло до застрашувачко зголемување на семејното насилство на глобално ниво.
„Знаеме дека изолацијата и карантинот се неопходни за борба против ковид-19. Но, тие можат да бидат стапица за жени со насилни партнери“,
објави Гутереш на Твитер.
Peace is not just the absence of war. Many women under lockdown for #COVID19 face violence where they should be safest: in their own homes.
— António Guterres (@antonioguterres) April 6, 2020
Today I appeal for peace in homes around the world.
I urge all governments to put women’s safety first as they respond to the pandemic. pic.twitter.com/PjDUTrMb9v
Многу жени и девојчиња, потенцира тој, се изложени на најголем ризик онаму каде што треба да бидат најбезбедни – во нивните домови.
Во некои земји двојно е зголемен бројот на жени кои повикуваат служби за поддршка и здравствените работници и полицијата се преоптоварени и не се доволни, а локалните групи за поддршка се „парализирани“ од недостаток на средства, нагласи шефот на ОН.
Тој ги повикува владите ширум светот да обезбедат континуирано гонење на насилниците, да воспостават кризни системи во аптеките и продавниците и да ги прогласат засолништата за основна услуга.