Треба да ги исполнуваат еколошките критериуми предвидени со подзаконските акти, а тоа значи да бидат со стандард над евро 4
Сопствениците на возила со странски таблички ќе треба да дадат изјава дека возилото е влезено во земјава пред 1. октомври за последен пат за да платат помали давачки за регистрација, изјави денеска министерот за економија Крешник Бектеши, појаснувајќи го предлог-законското решение според кое овие возила ќе може да се регистрираат со 50% намалени давачки.
„Многу е важно да се наведе фактот дека остануваат другите критериуми кои произлегуваат од постоечките закони за возила, а кои се однесуваат на заштита на животната средина. Тоа значи сите возила кои се влезени пред 1 октомври, а ги исполнуваат еколошките критериуми предвидени со подзаконските акти, а тоа е да бидат над евро 4 стандард“,
рече Бектеши, одговарајќи на новинарско прашање при денешната посета на Крива Паланка.