Интензитетот на реализација на енергетските капацитети е зголемен и евидентен ако се направи паралела со пред пет години, кога имаме издадено лиценци за скоро 6 мегавати (MW), изјави првиот човек на Регулаторната комисија за енергетика (РКЕ), Марко Бислимоски
За нешто помалку од две години, поставени се нови енергетски капацитети кои произведуваат електрична енергија од обновливи извори со вкупна инсталирана моќност од 523,2 мегавати (МW), покажуваат последните податоци за издадени лиценци на Регулаторната комисија за енергетика. Со електричната енергија произведена од обновливи извори од новите централи, што се изградени за помалку од две години, може да снабдуваат над 166 илјади домаќинства.
„За десет месеци имаме нови инвестиции во енергетика што произведуваат електрична енергија од сонце, за кои се издадени лиценци со вкупна инсталирана моќност од 371 MW, што е за 140% повеќе од цела 2022 година – кога вкупниот инсталиран капацитет достигна до 152,2 MW“,
изјави Марко Бислимоски.
