Американскиот претседател Џо Бајден и Демократскиот национален комитет, во првите 10 недели откако беше објавено дека ќе се кандидира за претседателските избори догодина, собраа повеќе од 72 милиони долари за неговата кампања.
Парите се собрани во периодот од 25 април до крајот на јуни. Ова е висока сума, но не е рекорд кога станува збор за кампањи за претседателски избори.
Поранешниот претседател Барак Обама собра 85,6 милиони долари во истиот период во 2011 година, кога ја започна својата кампања за втор мандат.
За време на последната кампања Бајден собра повеќе од една милијарда долари во донации.