До крајот на септември бројот на заразени беше 17 977 лица и активни 2 279 случаи, за еден месец подоцна таа бројка да достигне 36 372 дијагностицирани и 12 761 активни пациенти
Бројот на заразени со коронавирус кај нас за еден месец е зголемен двојно. До крајот на септември бројот на заразени беше 17 977 лица и активни 2 279 случаи, за еден месец подоцна таа бројка да достигне 36 372 дијагностицирани и 12 761 активни пациенти.
Овие бројки денеска ги соопшти министерот за здравство Венко Филипче на прес-конференцијата со директорката на Инфективната клиника Милена Стевановиќ.
Исто така, е голем и бројот на хоспитализирани – во просек по 7 дневно или вкупно до денес 890.
„Состојбата секаде е загрижувачка и најголем предизвик се сместувачките капацитети и кадарот, кој сѐ повеќе е дефицитарен“,
рече Филипче и најави дека од утре стапува во сила планот за проширување на капацитетите за прием на ковид-пациенти и на други клиники.