Дел од медиумите вчера пишуваа дека владејачката партија разгледувала три опции. Сите вклучуваат оставка, но чија?
Претседателот на Србија, Александар Вучиќ, вечерва ќе се обрати до српската јавност преку јавниот сервис РТС, објавија српските медиуми.
Причина за гостувањето се актуелните случувања во земјата, но сè уште не се знае дали ќе соопшти важна одлука, како што пишуваа дел од медиумите кои важат за блиски до власта.
Дел од медиумите во Србија вчера пишуваа дека деновиве, најверојатно в понеделник, ќе биде објавена една од трите опции кои ги разгледува неговата партија СНС, а тоа се: дека владата на Србија ќе поднесе оставка; оставка ќе поднесе тој како претседател или и владата и Вучиќ ќе поднесат оставки и ќе се распишат вонредни избори.
Тоа, пишуваа медиумите, било заклучено на партиски состанок вчера, на кој присуствувал и Вучиќ.
Не е познато дали претседателот ќе има ново обраќање утре, засега единствено што е потврдено е оти вечерва тој ќе се појави во на програмата на РТС во 19:30 часот.