Претседателот на Србија, Александар Вучиќ во своето гостување на РТС, изрази сомнеж во реалноста на бројот на новозаразени од ковид-19, кои ги објавуваат властите во Загреб и во Софија.
Тој смета дека Србија прави најголем број тестови во однос на земјите од регионот, а со тоа, според него, ја покажува грижата за здравјето на своите граѓани.
„Нашата политика е различна од онаа на земјите од соседството, на пример од Хрватска и од Бугарија, бидејќи нам ни се важни животите на луѓето а не политичките бројки и додворувањето кон населението. Ние во последните 24 час откривме 426 новозаразени и тоа од 12 000 тестирани. Ако тестиравме како Хрватска, една или две илјади, болните ќе ни умираа“,
изјави Вучиќ
Тој потенцира дека според бројот на тестирани на 100 000 лица, Србија од денеска е пред Германија и се наоѓа на петтото место во Европа. Тоа, според него и го објаснува поголемиот број заболени или починати во Србија, за разлика до овие две држави.
„Кога тестирате повеќе луѓе, откривате и повеќе болни и мртви. Нашата цел е да покажеме дека со голем број тестирања сакаме да ги чуваме и лекуваме луѓето и да го запреме ширењето на коронавирусот“,
рече Вучиќ.