Останува на сила одлуката „Астра Зенека“ во земјава да се дава на лица постари од 60 години
Ревакцината со „Астра Зенека“ ќе се прима на шест недели, наместо на 12 недели од аплицирањето на првата доза, како што беше досега. Одлуката е донесена на состанок со членовите на Комитетот за имунизација, информираше министерот за здравство, Венко Филипче.
„Во упатството има флексибилност, а тоа е од четири до 12 недели. Ние бевме многу внимателни чекајќи ги буквално сите публикации и искуства од другите земји во однос на тие првично регистрирани несакани ефекти. Како времето одминува и гледаме дека тој ризик е навистина минимален, се одлучуваме ревакцината да не биде четири недели, како што е во упатството, туку да биде шест недели“,
рече Филипче.
Филипче посочи дека останува на сила одлуката „Астра Зенека“ кај нас да се дава на лица постари од 60 години.