За утре се прогнозира постудено утро, а преку денот сончево време со мала до умерена локална облачност
Сончево време со мала до умерена локална облачност – ова е прогнозата на Управата за хидрометеоролошки работи (УХМР) за денешниот ден. Во текот на денот ќе дува и слаб до умерен ветер претежно од северозападен правец. Утринската температура ќе биде од 4 до 14 Целзиусови степени, а во текот на денот од 14 до 27 степени.
И во Скопје денеска се очекува сончево време со мала до умерена локална облачност и со слаб до умерен ветер од северозападен правец. Максималната температура ќе достигне до 27 степени.
За утре синоптичарите најавуваат постудено утро, а преку денот сончево време со мала до умерена локална облачност. Ќе дува слаб до умерен ветер од јужен правец.
Температурата утре во текот на денот ќе биде во интервал од 20 до 27 степени.