Како што велат од УХМР, од четврток до сабота ќе биде најтопло во југоистокот од државата
Времето денеска ќе биде сончево со максимални температури до 38 степени, информираат од Управата за хидрометеоролошки работи (УХМР). Во попладневните часови се очекува да има изолирана појава на пороен дожд и грмежи. Минималната температура ќе биде во интервал од 12 до 19 степени, а максималната ќе достигне од 30 до 38 степени.
„Во Скопје ќе биде сончево и топло со мала умерена облачност. Минималната температура ќе се спушти до 17, а максималната ќе достигне до 37 степени“,
велат од УХМР.
Според прогнозата, утре во попладневните часови, особено во планинските подрачја ќе има услови за изолирана локална појава на пороен дозд и грмежи. Потоа се очекува времето да биде стабилно и топло.
Како што велат од УХМР, од четврток до сабота ќе биде најтопло во југоистокот од државата.