Времето денеска претпладне ќе биде променливо облачно со локален дожд, претежно во југоисточните делови, а попладне облачноста ќе се намалува. Ќе дува слаб до умерен северен ветер, соопштуваат од Управата за хидрометеоролошки работи.
Минималната температура ќе биде во интервал од 12 до 19, а максималната ќе достигне од 22 до 27 степени. УВ индексот ќе изнесува 6.
Во Скопје во утринските часови ќе биде променливо облачно, а во текот на денот сончево со мала до умерена облачност. Минималната температура ќе се спушти до 16, а максималната ќе достигне до 26 степени.
Во следните денови ќе преовладува сончево време со мала до умерена облачност и со постепен пораст на дневната температура.
