Се очекува значително потопло да биде во недела и на почетокот од следната седмица
Времето денеска ќе биде променливо облачно со сончеви периоди особено попладне, информираат од Управата за хидрометеоролошки работи (УХМР).
„Ќе дува умерен, а долж Повардарието и во источните делови засилен ветер од северен правец (над 60 km/h). Минималната температура ќе биде во интервал од -4 до 2, а максималната ќе достигне од 4 до 13 степени“,
велат од УХМР.
Во Скопје исто така, ќе биде променливо облачно со сончеви периоди и со умерен до засилен ветер од северен правец.
„Минималната температура ќе се спушти до -2, а максималната ќе достигне 9 степени“,
соопштија од УХМР.
Оттаму додаваат и дека по утрешното преодно наоблачување, следува период на стабилно и суво време со пораст на температурите.
Се очекува значително потопло да биде во недела и на почетокот од следната седмица.