Времето денеска ќе биде снчево и натпросечно топло, со слаб до умерен ветер од западен правец. Минималната температура ќе биде во интервал од 14 до 24, а максималната ќе достигне од 35 до 43 степени. УВ ќе изнесува 9.
Во Скопје, сончево и натпросечно топло со слаб до умерен ветер од западен правец. Минималната температура ќе се спушти до 20, а максималната ќе достигне 42 степени.
Под влијание на многу топла воздушна маса од југ продолжува периодот на стабилно и исклучително многу топло време (до 06.08) со натпросечни температури за овој период од годината.
Ќе биде активирано портокалово ниво на опасност од високи температури, а вредноста на УВ индексот ќе изнесува 9. Наместа вдолж Повардарието температурата ќе го надмине и 42-тиот степен.
Со одлука на Владата од 29 јули до 1 август, некои дејности што се изложени на сонце мора да работат со ограничено работно време, односно да се прекинат работите од 11 до 17 часот. Ова особено се однесува на градежните работници. Да се ослободат од работа најчувствителните групи, како што се бремени жени и други над 60 – годишна возраст. Во градинките да се прекинат физичките активности и да не се изнесуваат надвор деца до шест часа напладне.