Во Скопје ќе биде облачно со повремени врнежи од дожд, а во повисоките делови од котлината од снег
Времето денеска ќе биде облачно и студено со повремени врнежи претежно од снег, особено претпладне. Вдолж Повардарието ќе врне дожд, освен во повисоките делови од котлините каде што врнежите ќе бидат од снег. Локално ќе има појава на голомразица. Ќе дува засилен северен ветер со брзина од над 60 километри на час. Минималната температура ќе биде во интервал од -1 до 5, а максималната ќе достигне од -1 до 6 Целзиусови степени.
Во Скопје ќе биде облачно со повремени врнежи од дожд, а во повисоките делови од котлината од снег. Попладне врнежите ќе престанат. Ќе дува умерен до засилен северен ветер. Минималната температура ќе се спушти до 3, а максималната ќе достигне 4 степени. Утре времето ќе биде стабилно со ниска утринска температура и со пораст на дневната, освен по одделни котлини каде што ќе има појава на магла и ќе се задржи студено преку целиот ден.