Тајната служба нагласи дека се спроведени потребните безбедносни протоколи, но дека настанот не претставува закана за Белата куќа
Возач загинал откако со своето возило удрил во оградата на Белата куќа, пренесува Асошиејтед прес.
Според полициското соопштение, инцидентот во моментов се истражува „само како сообраќајна несреќа“ и не претставувал закана за резиденцијата на претседателот.
„Во овој момент, инцидентот се истражува само како сообраќајна несреќа од страна на Единицата за истраги на големи несреќи на МПД“,
се вели во соопштението на полицијата.
Од американската тајна служба, во соопштение, се вели дека возачот, кој не бил веднаш идентификуван, е пронајден мртов во возилото по несреќата околу 22:30 часот по локално време на надворешната периметарска капија на Белата куќа.
Limited traffic closures remain in effect as Secret Service teams, @dcfireems & @DCPoliceDept investigate a fatal vehicle crash that occurred at an exterior perimeter gate by the White House. There is no threat or public safety implications and our preliminary statement is below pic.twitter.com/zGTVDuZV5E
— Anthony Guglielmi (@SecretSvcSpox) May 5, 2024
Полицијата соопшти дека возилото удрило во безбедносна бариера на раскрсницата на улицата „15“ и авенијата „Пенсилванија“. Обезбедувањето на лице место го извлекло возачот од возилото и се обидело да му пружи помош, но тој не можел да се спаси.
Тајната служба нагласи дека се спроведени потребните безбедносни протоколи, но дека настанот не претставува закана за Белата куќа. Тајната служба ќе продолжи да го истражува случајот, но дел од истрагата ќе ѝ биде оставен и на локалната полиција.