Во Велика Британија се регистрирани 30 случаи на ретки згрутчувања на крвта по аплицирање на вакцината „Астра Зенека“, објави синоќа здравственото регулаторно тело.
Како што пренесува новинската агенција ДПА, оваа бројка е за 25 случаи поголема од претходниот извештај.
Претходниот извештај, пишува „Ројтерс“, беше објавен на 18 март, кога имаше 5 случаи на згрутчување на крвта меѓу 11 милиони аплицирани вакцини.
Кога станува збор за вакви случаи за вакцината на „Фајзер“, според Агенцијата за регулирање лекови, досега нема пријавено случаи на згрутчување на крвта.