Од ресорното Министерство за здравство посочуваат дека состојбата во Гостивар е стабилна и континуирано се следи од надлежните здравствени институции
Вкупно 57 нови прегледи се евидентирани во здравствените установи во Гостивар во текот на вчерашниот ден – информираа денеска од Министерството за здравство. Нема нови хоспитализирани пациенти.
„Eпидемиолошката состојба во Гостивар е стабилна и континуирано се следи. На 1 август се регистрирани вкупно 57 први прегледи, што е за три помалку во споредба со претходниот ден, кога беа евидентирани 60 прегледи“,
велат од Зравство.
Според податоците на ресорното министерство, во периодот од 14 јули заклучно со вчерашниот ден се регистрирани 4 600 прегледи, примени се 1 041 формални пријави за заразна болест и изработени се 734 нови епидемиолошки анкети со опфат од 71 отсто.