Фотографии направени со дрон во американската сојузна држава Њујорк покажуваат дека починатите од ковид-19 се погребуваат во масовни гробници.
Фотографиите се направени од островот Харт, во областа Бронкс. Само вчера биле погребани 40 тела. Жртвите биле во дрвени ковчези, на кои се напишани нивните имиња.
NYC Mayor confirms they are now burying many #Covid19 corpses in mass graves on Hart Island. Today alone there were at least 40 coffins. The bodies are wrapped in body bags and placed in pine boxes, with their names scrawled on the top. Source: NY Post #TrumpBurialPits pic.twitter.com/2yb2pVVt3U
— Jake Morphonios ?? ?? ? (@morphonios) April 10, 2020
Островот Харт повеќе од еден век служел како масовна гробница за починатите кои немаат роднини или не се во можност да ги покријат трошоците за погребот, за мртвородените бебиња и за починатите од ХИВ. Станува збор за една од најголемите масовни гробници во САД поради што островот го нарекуваат и „Островот на смртта“.
Инаку, Њујорк досега регистрираше околу 160 000 заразени и со тоа ги надмина и Шпанија и Италија. Кога станува збор, пак, за бројот на жртви, само во Њујорк има околу 7 000.
На ниво на САД, според „Ворлдометар“, бројот на заразени е 468 895, додека бројката на починати изнесува 16 697.